LEADER
Jardunbide Egokien Proiektuak
2019 - 2020 - 2021
Amañe
Amañe gourmet taberna eta denda emakume ekintzaile batek sustatu du, urte askotan merkataritza-erabilerarik izan ez duen lokal batean. Bertan, kalitatezko zerbitzua eskaintzen da orain, hurbileko produktuak baliatuz.
Splashpark
Etxebarriko Udalak sustatuta, splashpark edo ur-iturri eta ur-zurrustez osatutako jolas-parkeak aisialdiko aukera berriak eskaintzen dizkie Lea Artibaiko biztanleei udan.
Errota birgaitzea
Apilaizko Administrazio Batzarrak herriko errota birgaitu du, batetik, energia sortzeko eta, bestetik, herritarrei zerealak ehotzeko aukera eskaintzeko. Gainera, ekimena erakargarri turistikoa eta ikasgunea ere bada.
Guikuri Moda
Guikuri Moda kooperatibak autobus bat erosi eta egokitu du denda Ibiltaria sortzeko: Guikuri Bus. Proiektuak moda hurbiltzeko aukera ematen dio zerbitzu hori ez duten herrietara eta, gainera, beste emakume bat hasi da enpresan lanean.
Resina 2021
CUNCIAL SAk, erretxina birziklatuzko esekilekuak ekoizten espezializatutako enpresak beste lerro bat abian jarri eta ekoizpena bikoiztu ahalko du, esportazio-merkatu berriak sortzeko helburuz,
2017 - 2018
Play Video
Dronetikan Airworks
Dronetikan AirWorks Arabako Lautadako bi gaztek sustaturiko ekimena da eta ikus-entzunezkoen ekoizpena eta aireko lanen zerbitzua eskaintzen du dronak erabiliz. Aurreneko aldia da horrelako zerbitzua Araban eskaintzen dena.
Play Video
Abentura Park
Ur Nomade SL enpresak Lekeitiotik hurbileko abentura-parkearen instalazioak, ekipamenduak eta zerbitzuak handitu eta modernizatu ditu. Ekimen horren helburua da dagoeneko eskaintzen dituen zerbitzuak hobetzea eta turismoa erakartzea oraindik ere askorentzat ezezaguna den eskualde horretara.
Play Video
Kuartango Lab
Kuartangoko Udalak (Araba) antzinako bainuetxe ezaguna zaharberritu du Arabako Haranak eskualde osoan ekonomia-, gizarte- eta kultura-jardueren gune izan dadin, enpresa-proiektu berriak erakarri eta enplegua sortzeko helburuz.
Play Video
Galua eguneko zentroa
Enkarterrin, Galua eguneko zentroa sustatu da bertako adinekoei laguntza tekniko eta espezializatua emateko xedez, eguneroko bizitzako jarduerak autonomia handiagoz garatzea izan dezaten. Galua zabaldu arte, ez zegoen halako zerbitzurik udalerrian.
Play Video about proyecto ayudas desarrollo rural Euskadi
Crossfit Txindoki
Aramako udalerrian, CrossFit Txindokik leku egokia eskaintzen du kirol horretan aritzeko. Kirolguneak arrakasta handia izan du eta, gainera, hiru lanpostu sortu dira.
Play Video
Cleanwood
Makina espazializatuetan egindako inbertsio sendoari esker, Cleanwood Technology SLk teknika berritzailea darabil ardogintzan erabiltzen diren upelak garbitzeko.
Play Video
Arratzuko elkartegia
Arratzuko Udalak sustatu du coworking edo lanlekua parteatzeko eremua eskaintzen duen ekimen hau. Horri esker, ekintzaileek, start-up eta mikroETEek aukera izango dute zeinek bere proiektua banaka garatu eta, aldi berean, baterako proiektuak sustatzeko.
Play Video
Zaldiharana hipika zentroa
Zaldiharana egitasmoaren helburu nagusia da zailtasun fisikoak eta/edo mentalak dituzten pertsonen bizi-kalitatea hobetzea zaldien bidezko terapiak erabiliz. Euskadin, erakarpen-zentro liderra da zaldi-terapiako jardueretan.
Play Video
Gatzaren museoa
Leintz Gatzagako Udalak gatza ekoizteko antzinako metodoa berreskuratu du eta museoa sortu du haren inguruan, Euskadiko udalerririk berezienetako batean jarduera ekonomikoa dinamizatzeko helburuz.
Play Video
Latxa Ardia
Laxa & Auriz, SLk online salmentako denda sortu du kalitate handiko euskal elikagaiak azken kontsumitzaileei eskuetaratzeko. Hori lortzeko, produktuak eskala txikian saltzen dituzten ekoizle eta artisauekin lan egiten dute.