LEADER+

Zer da LEADER+?

Landa-eremuen garapenerako Europako Batasunak bata bestearen atzetik onartu dituen ekimen europarrei LEADER esaten zaie; frantsesezko siglak dira: &undefined;Liaisons entre activités de Developement de L&undefined;Economie Rural&undefined;; (Landa-eremuetako ekonomiaren garapenerako jardueren arteko erlazioak).

LEADER+ landa-eremuen garapenerako garatu diren hiru ekimen europarretatik azkenekoa da eta 2000ko apirilaren 14an jakinarazi zitzaien Batasuneko estatu kideei, Batzordearen C/139/C komunikazioaren bitartez. LEADERaren bidez nahi da garapen eramangarriaren eta kalitatearen ikuspegitik begiratuta originalak diren estrategiak bultzatzea, horrela ondare naturalari eta kulturalari benetan duten balioa emateko modu berriak entseiatzeko eta landa-eremuetako enplegua eta antolakuntza hobetzeko.

LEADER I-etik LEADER+era

LEADER I (1991-1994) ekimenaren bidez landa-garapenerako politikari buruzko kontzepzio berri bat hasi zen; lurraldetasuna, osotasuna eta partaidetza kontzeptuak oinarri zituen kontzepzioa, hain zuzen. Eta ondo hartu zuen sektore pribatuak; inbertsioak egin ziren.

LEADER II (1994-1999) ekimenak LEADER I ekimenaren ikuspegia hedatu zuen eta egitasmoak berritzaileak izateari berebiziko garrantzia eman zion. LEADER II ekimenaren bitartez lortu nahi izan zen, besteak beste, landa-eremuetako edozein sektoretan tokian tokiko eragileen jarduera berritzaileak bultzatzea.

LEADER+ (2000-2006) ekimenak laborategi-lana egiten jarraitzen du, garapen osoan eta eramangarrian oinarritutako ikuspegi berriak aurkitzeko eta entseiatzeko, landa-garapenaren inguruan Europako Batasunak duen politikan eragiteko. Kontua ez da LEADER II ekimenaren bideari jarraitzea soilik; tokian tokiko landa-eremuak garatzeko, kalitate handiko estrategia integratuak bultzatu behar dira eta estrategia horiei lagundu behar zaie. Garrantzi berezia izango dute landa-eremuen garapenean biltzen diren lau aldeak edo gaiak garatzeak (ezagutza eta teknologia berriak erabiltzea, bizi-kalitatea hobetzea, tokian tokiko produktuak balioestea eta baliabide naturalak eta kulturalak balioestea), aitzindari izateak eta kalitatez elkarrekin lan egiteak, bai estatuko lurraldeen arteko eta bai nazioarteko egitasmoetan.

HELBURUAK

 MENDINET elkartearen LEADER+ Programaren bizkarrezurra informazio- eta komunikazio-teknologiak dira. Programan helburu orokor bat eta helburu zehatzak bereizten dira.

MENDINET elkartearen LEADER+ Programaren bizkarrezurra informazio- eta komunikazio-teknologiak dira. Programan helburu orokor bat eta helburu zehatzak bereizten dira.

Helburu orokorra

Euskadin Helburu 2 diren landa-eremuen garapen sozioekonomikoa erraztea, eremu horietako bizi-kalitatea hobetzeko eta biztanle-kopuruari eusteko. Horretarako, eredu bat sortuko da, gure landa-eremuen garapenean sartuta dauden eragileek zuzenean parte hartzeko moduko eredua hain zuzen.

Helburu Zahatzak

• Informazioaren gizartera heltzeko aukera-berdintasuna bultzatzea, batetik, eta landa- -eremuak eta hiri-eremuak parekatzea, bestetik.
• Teknologia berriei lotutako lanpostuei eustea eta, ahal bada, horrelako lanpostuak gehitzea.
• Nekazaritzaren eta horren antzeko sektoreetan jarduerak dibertsifikatzea.
• Ekoizteko eta merkaturatzeko bide berriak bilatzea.
• Lehen sektoreko langileek elkarrekin lan egiteko metodoak bilatzea.
• Informaziorako eta prestakuntzarako metodo berriak diseinatzea.
• Ingurune naturala zaintzen eta ingurumena babesten laguntzea.
• Aukera-berdintasuna bultzatzea eta bereizkeria positiboa aplikatzea, gazteen eta emakumezkoen mesedetan.
• Landa-eremuek elkarrekin lankidetza-egitasmoak burutzea.
• Landa-eremuen artean osagarritasunak eta sinergiak bilatzea.
• Teknologia eta egiten jakitea transferitzea batetik, eta baterako ikaskuntza bultzatzea bestetik.
• Landa-eremuak sakabanatuta eta bakartuta daude eta horregatik haiek dituzten eragozpenak murriztea. Landa-eremuak LEADER+Programari esker Europan sor litezkeen landa-eremuen sareetan txertatzea.

LAGUNTZA JASO DEZAKETEN NEURRIAK

Hauek dira programan aurreikusten diren neurriak:

• Sentsibilizazioa
• Prestakuntza eta enplegua
• Enpresa-kudeaketaren hobekuntza
• Merkaturatzea
• Ikerketa eta esperimentazioa
• Informazioaren eta komunikazioaren teknologiak, eta zerbitzuak
• Aukera-berdintasuna eta bereizkeria positiboa
• Natur ingurunea zaintzea 

Laguntzak emango dira Eusko Jaurlaritzako Nekazaritza eta Arrantza Sailak Programaren aplikazioa arautzeko onartu zuen urriaren 1eko 229/2000 Dekretua eta urtero argitaratuko den laguntzei buruzko Agindua aintzat hartuz. Laguntzak FEOGA-Ok eta Eusko Jaurlaritzak finantzatuko dituzte. Urtero argitaratuko den agindu horretan aurreikusten dira dagoen aurrekontua, eskaerak egiteko epeak eta proiektuak MENDINETi aurkezteko behar den informazio guztia.

LEGERIA

Funtsezko testuak

• LEADER+ari buruzko 14/04/00 Komunikazioa
• LEADER+ diru-laguntzen erregimena.

Euskal Autonomia Erkidegoko arauak

• Urriaren 1eko 229/2002 Dekretua, LEADER+ Europako Ekimenaren aplikazioa EAEn arautzen duena.
• Abenduaren 16ko 313/2003 Dekretua, 229/2002 Dekretua aldatzen duena.
• 2003ko uztailaren 21eko Agindua, 2003ko laguntzak iragartzen dituena.

Europako arauak

• Europako Erkidegoko Ituna (87. artikulua eta I. eranskina).
• Zuzentarauak, estatuek nekazaritza-sektoreari ematen dizkioten laguntzei buruzkoa (2000/C28/02).
• 2001eko urtarrilaren 12ko 68/2001 Erregelamendua, prestakuntzarako laguntzei buruzkoa.
• 2001eko urtarrilaren 12ko 69/2001 Erregelamendua, gutxieneko laguntzei buruzkoa.